ગુજરાતમાં ભાજપ-કોંગ્રેસના 2 ધારાસભ્યો કોરોના પોઝિટિવ, જયારે કોંગ્રેસના ભરતસિંહ સોલંકી વેન્ટિલેટર પર

By | July 7, 2020

ગુજરાતમાં વધુ બે ધારાસભ્યોને કોરોનાવાયરસ સંક્રમિત હોવાની પુષ્ટિ થઈ છે. સુરત જિલ્લાના કામરેજના ભાજપના ધારાસભ્ય વી.ડી. ઝાલાવાડિયા અને બનાસકાંઠા જિલ્લાના વાવના કોંગ્રેસના ધારાસભ્ય ગનીબેન ઠાકોરનો કોરોના ટેસ્ટ પોઝિટિવ આવ્યો છે.

સત્તાવાર સૂત્રોએ જણાવ્યું છે કે ભૂતપૂર્વ કેન્દ્રીય પ્રધાન અને ગુજરાત કોંગ્રેસના ભૂતપૂર્વ અધ્યક્ષ ભરતસિંહ સોલંકીને શ્વાસ લેવામાં તકલીફ હોવાના કારણે મંગળવારે અમદાવાદની ખાનગી હોસ્પિટલમાં જીવન બચાવ સિસ્ટમ એટલે કે વેન્ટિલેટર પર મૂકવામાં આવ્યા હતા.

તેમને ગયા મહિનાના ઉત્તરાર્ધમાં કોરોના ચેપ લાગ્યો હતો. અગાઉ પૂર્વ મુખ્યમંત્રી શંકરસિંહ વાઘેલાને પણ કોરોના ચેપ લાગ્યો હતો. ભૂતકાળમાં કોવિડ -19 ના સંક્રમણ પછી ભાજપ અને કોંગ્રેસના કેટલાક અન્ય ધારાસભ્યો પણ સ્વસ્થ થયા છે.

ઉલ્લેખનીય છે કે અત્યાર સુધી ગુજરાતમાં કોરોનાના 37 હજારથી વધુ કેસ નોંધાયા છે અને તેમાંના 1970 થી પણ વધુ લોકોનાં મોત નીપજ્યાં છે. મૃતકોમાં કોંગ્રેસના વરિષ્ઠ નેતા બદરૂદ્દીન શેખ પણ છે.

Leave a Reply

Your email address will not be published. Required fields are marked *